Mburo Ate Tedeh i Swedia ras Karo Eropa

oleh Rosalina Br Purba

Bagi biasana kita ikuta setahun sekali erbahan acara ”mburo até tedeh” ras kadé-kadenta
Bagempe keluarga karo i Swedia, amingia ndauh sirang sada ras sideban i usahaken maka banci
Jumpa sekali ntah dua kali setahun sesama warga karo i Swedia emekap tujunna mempererat hubungan kekeluargaan sada ras sideban.

I Negara Swedia lit 6 keluarga karo si cibalna ndauh sada ras sideban lit deba jarak tempuna 5-6 jam perdalanen naik mobil ntah kereta api. Tapi ibas jabu si 6 énda amin gia ndauh sada ras sideban tambah waktu sicocokpe meseraka muatsa erkiteken Pendahin ras an k-nak sekolah i usahaken maka ibas musim panas libur panjang anak sekolah kami pulung si megati i Stockholm ibu kota Swedia i jabu Rehulina br Barus.

Mbaru-mbaru enda bas awal bulan october 06 silepus, kami jumpa ke rina i Stockholm erdandanken kerehen turang kami Dhany Barus si reh i Jakarta nari dalam rangka tugas praktek ibas PLN Jakarta sebulan i Swedia. Rembangka senina turang kami Dhany enda pe paksana study muat S2na i Swedia emkap Hartanta Barus sienggo megati kami pulung ras-ras bagi keluarga sendiri. Emaka si ikut pulung ibas acara ”mburo ate tedeh” énda emkap:

Keluarga bengkila Malem Ukur(MU) Ginting si tading i kota Göteborg
Keluarga Pelita Ginting i Goteborg nari
Keluarga Rehulina br Barus i Stockholm
Keluarga Rosalina br Purba si ringan i kota Västerås

Ibas perjumpana mburo ate tedeh enda bersifat kekeluargaan menjalin hubungan keluarga lebih dekat dan lebih akrab Sada ras sideban, bagi biakna kalak karo sidiberu rdakan ras-ras erban cimpa rsdna, ibas perjumpan endape biasan kenca dung man ra-ras emak benakenkame landek ras rende erkaroke janah ndedah DVD lagu ras gendang karo, emak suasananape tuhu-tuhu erbahan mburo ate tedeh man sesama keluarga karo i Swedia ras mburoka ate tedeh man kade-kade ras kuta kemulihen i Tanah karo. Ade keluarga karo i Swedia enggo terjalin hubungan akrab piga piga tahun silewat ras sidahi-dahi kami sada ras sideban bagi biakna erkade-kade ntahpe erorang tua ras anak-anakna.


Bagépe perjumpan sesama masyarakat karo i seluruh Eropah i usahaken maka banci jumpa sekali setahun ibas acara kerja tahun guna mempererat hubungen kekeluargaan sesama masyarakat karo ibas perlajangen si ndauh ibas kuta kemulihenta nari.
Hususna kerja tahun i Eropah tuhu-tuhu suasanana pas bagi kita erkerja tahun i kuta kemulihenta . Semenjak perkumpulan karo Eropah (Perkoeah) enggo terbentuk emkap ibas thn 2003 i Zutemir Belanda. Peserta ibas kerja tahun enda emekap let piga-piga Negara i Eropah antara lain Belanda sienteremna keluarga Karo emaka peduaken Jerman ras Swedia lit kami 6 keluarga si mayoritas kel Ginting rsd.

Setiap tahun i usahaken maka banci ganti Negara ingan perjumpan emkap acara kerja tahun si biasna penggualna ntahpe perkeyboadna itenahken i Indonesia emkap iMedan ntah i Kabanjahe nari. Tuhu meriah ibas tupung acara kerja tahun situjuanna pemena emkap mempererat hubungan sesama keluarga karo i Eropah.

Ibas setiap acara kerja suasanana tuhu-tuhu mburo ate tedeh man sesama keluarga karo ras mburo ate tedeh ku kuta kemulihen i Taneh karo. Sebab kita jumpa sitandan sada ras sideban, ercakap-cakap alu bahasa karo, pangan sinisikapkenpe khas makanan Karo
Lalupa cimpana bagi biasana kerja tahun i kutanta. Si paling berkesannakel emkap ibas acara sitandan, landek ras rende sini iringi gendang keyboard erbahansa suasana lebih akrab rasmeriah.si biasana diadakan dua wari dua berngi . Jadi rasa persaudaraan lebih erat sebab cukup waktu untuk sitandan ras ercakap-cakap sada ras sidebanna. Emaka pada umumna keluarga ntahpe pribadi br ntahpe merga silima sienggo jumpa bas kerja tahun lebih akrap bagi kade-kade Sebab eme tujun erkerja tahun i Eropah gelah sada ras sideban jadi kade-kade ibas negara sindauh bas kutanta nari. Ibas tglr 8-10 october 06 silewat ilitken acara mburo ate tedeh i Diever Drente Belanda si i perakarsai 6 jabu Emkap : keluarga, Rosvanda br Tarigan, eluarga, Sukmawaty br Pinem, keluarga Nita br Sembiring, keluarga Meka, Rina br Ginting ra keluarga Serpina br Bangun.

Sipulung tuhu nterem ras meriah litka si reh br Sembiring i Moskow nari, turang kami Alexander Barus i Medan nari selain aron i Jerman, Belanda ras Swedia nari.
Tambah pengual/perkeyboardna Samudra Tarigan i T.Karo nari

Melala tuhu dampak positifna ibas mburo ate tedeh ntahpe ibas erkerja tahun i taneh perlajangen sindauhkel bas kutanta nari i taneh karo selain menjalin hubungan lebih akrab ras peburo ate tedeh, meriah ras erbage pelajaren sidatken kita ibas pulung enterem.
Bagi aku sendiri kugejapken tuhu-tuhu mbue pelajaren ras pengalaman simenarik silenga pernah kualami ibas geluhku gia aku Tubuh i Taneh karo, tapi ope erkerja tahun i Eropah lenga aku pernah landek kedekah geluhku,erkiteken lampas lawes lajang i kuta nari, mungki letkange teman sideban siseri pengalamanna sibali ras aku. Em salah sada si merupakan dampak positif ras pengalaman si sehkal berkesanna man bangku secara pribadi, erlajar mencintai budaya sendiri.